Statsforvaltaren har fått meldingar om langt raskare køyring enn fartsgrensa i sårbare verneområde i Notodden og ved Norsjø.
Båtar og vasskuterar i stor fart kan føra til at fuglar i verneområde døyr, vert det påpeika.
Verneområda mellom Norsjø og Notodden er laga for å verne fugl. I elvar og loner kviler ofte flokkar midt i vassdraget. Der er også båtleia. Frå Akkerhaugen til Heddalsvannet er fartsgrensa 5 knop. I utløpet av Heddøla er det motsvarande krav til låg fart. I begge naturreservata gjelder forbodet mot å bruke vasskuterar i verneområde og i ein avstand på 500 m frå verneområde.
– Stor fart kan føra til at fugleungane kjem bort frå mødrene sine. Då aukar faren for å døy mykje. Det er meldt at både båtar og vasskuterar vert køyrde langt fortare enn tillate fartsgrense i sårbare område, som mellom anna i verneområda i Notodden og ved Norsjø, seier rådgjevar Sigurd Anders Svalestad.
Han er tilsett i Miljøvernavdelinga hos Statsforvaltaren i Vestfold og Telemark.
Statsforvaltaren minner om at fartsgrensene er sett mellom annet for å ta omsyn til fugl: «Fartøy i stor fart splittar flokkar av fugl, dei fer til alle kantar … låg fart gir fuglane meir ro til hekking og rasting. I elvene er fuglane meir sårbare for stor fart enn på store vatn. Det er mindre avstand for å vurdere fart og fluktveg. Fugl må «ta høgde» for at båtar kan endre kurs sjølv om farta er stor. Difor må dei raskt vekk frå elva. Samtidig er elvene i disse verneområda viktige matfat for næring til neste etappe på trekk. Ender skiftar fjør etter hekking. Nokre artar mister så mykje fjør at dei vert dårlege til å flyge», skriv Statsforvaltaren.
– På elvar og vatn finn fugl mat og kvile. Båtar i høg fart kan skilje ungar frå flokken. Slike «bortkomne barn» vert lett etne opp av kråker og rovfugl, seier Svalestad.
Visit Notodden markedsfører byen på sine Facebook-sider med invitt til båt- og vannskuteraktivitet, men uten å nevne hensyn til fuglelivet og verneområda.
