- Annonse -
Klima- og miljøminister Sveinung Rotevatn er, saman med Singapore sin miljøminister Grace Fu, bedt om å få framdrift i forhandlingane om reglar for samarbeid under Parisavtalen før toppmøtet i Glasgow til hausten.
Storbritannia er vert for COP26.
– Føremålet med samtalene vi skal leie, er å få framdrift på tema det har vore vanskeleg å få semje om dei siste åra under klimaforhandlingane i FN. Forhandlingane om reglar for kjøp og sal av utsleppsreduksjonar er no inne i sine sjette år. Det er heilt sentralt å få til ei semje på dette temaet i Glasgow, seier klima- og miljøminister Sveinung Rotevatn (V), i ei melding på departementets nettsider.
Det er presidenten for klimamøtet, den britiske statsråden Alok Sharma, som har bedt Noreg om å leie ministerkonsultasjonane saman med Singapore. Konsultasjonane vil føregå i løpet av juli.
